Tengrinews.KZ парақшасындағы ақпаратқа сәйкес, Qazaq24.com хабар таратты..
Алматылық 22 жастағы Асылбек ескі сурет пен алғашқы сүйісу байланыстырған қызды іздеп жүр. Жігіт суретті әлеуметтік желіде жариялап, жазба 300 мыңнан аса қаралым жинады. Tengri Life сол көрші қыз табылды ма, жоқ па білді.
Асылбек іздеу туралы әлеуметтік желіде жариялады. Бұған ескі сурет себеп болған. Жігіт әлеуметтік желі осы хикаяның жалғасын табуға көмектеседі деп үміттенеді.
"2006–2007 жылдар, Алматы, Көктөбе. Менің алғашқы сүйісімді ұрлаған қызды іздеймін", - деп жазды Асылбек жазбасында.
Скриншот: Threads
Жарияланым 300 мыңнан аса қаралым жинады. Желі қолданушылары бұл оқиғаны бақылап, қыздың табылатынына сенім білдірді.
Суреттегі қыз табылды ма?"Табылған кезде мені белгілеңізші", "Бұл хикаяны жоғалтып алмас үшін лайк басыңыздар", "Біреуіңіз жалғасы болғанда есіме салыңыздаршы", "Егер табылса, үнсіз қалмаңыздар", - деп жазды пікір қалдырушылар.
Біз іздеу қалай аяқталғанын білу үшін Асылбекке хабарластық.
Жігіттің айтуынша, бәрі кездейсоқ табылған ескі суреттен басталған. Сурет оны ойға қалдырған: сол сәтте қасында болған қыз қазір қайда және оның тағдыры қалай өрбіді?
"Суретте сүйісу сәті түсірілген, кадрда әкемнің досы да бар. Ол кезде шамамен екі-үш жаста едім. Шынымды айтсам, ештеңе нақты есімде жоқ. Ол біздің көршіміз болатын, біз Көктөбе ауданында тұрдық", - деп бөлісті ол.
Жарияланым шыққан сәтте қыз әлі табылмаған. Жүз мыңдаған қаралымға қарамастан, іздеу жалғасып жатыр. Асылбек суреттегі қызды біреу танып, байланысуға көмектесер деп үміттенеді.
Бізді Google-дың негізгі дереккөздер тізіміне қосыңыз
Қосу