Qazaq24.com, Sputnik.KZ дереккөзінен алынған мәліметтерге сүйене отырып мәлімдеме жасады..
АСТАНА, 12 тамыз – Sputnik. Оңтүстік Корея президенті Ли Чжэ Мён Қазақстан президенті мен ұлттық қауіпсіздік комитетіне телефон алаяқтықпен айналысқан қылмыстық топты ұстап бергені үшін алғыс айтты, деп хабарлайды Sputnik Қазақстан.
Бұған дейін ұлттық қаупісіздік комитеті алаяқтықпен айналысқан колл-орталықтың анықталғанын хабарлаған болатын. Сол кезде Корея Республикасының 14 азаматын ұсталған. Олар өз жерлестеріне телефон шалып, алдау арқылы ақша ұрлаған.
Корея президенті Ли Чжэ Мённің айтуынша, бұл қылмыстық топ Камбоджа мен Вьетнамнан халықты алдаған. Одан кейін Қазақстанға жасырын өтіп кеткен. Қазіргі кезде барлығы Корея жеткізілді. Оларға қатысты тергеу шаралары басталды.
"Ұстау шарасынан бастап елге жеткізуге дейінгі жұмыстың жедел атқарылуы Қазақстан Республикасы Президенті Қасым-Жомарт Тоқаев мырзаның және ҚР Ұлттық қауіпсіздік комитетінің белсенді қолдауы мен ынтымақтастығының арқасында мүмкін болды. Президент Қасым-Жомарт Тоқаев мырзаға және тиісті тараптарға шын жүректен алғысымызды білдіреміз", - деп жазды қазақ тілінде Корея басшысы әлеуметтік желідегі парақшасында.
Осы орайда Ли Чжэ Мён келесі айда өтетін "Корея Республикасы – Орталық Азия" саммитінде Тоқаевпен тікелей жүздесіп, алғысын жеке өзіне жеткізуге ниетті екенін де ерекше айтты.