Qazaq24.com, Aikyn.KZ дереккөзінен алынған мәліметтерге сүйене отырып ақпарат жариялайды..
Қазіргі таңда кредит алу оңайлаған сайын, оны ойланбай рәсімдеу де жиілеп барады: бірнеше минут ішінде мақұлданатын ұсыныстар, жарнамалық жеңілдіктер мен қолжетімді шарттар адамды тез шешім қабылдауға итермелейді, алайда бұл шешімнің артында ұзақ мерзімді қаржылық міндеттеме тұрғанын көбіне ескере бермейді.
1. Қажеттілік деңгейін анықтау
Алдымен кредиттің нақты не үшін алынатынын анықтау керек. Егер ол шығын кейінге қалдыруға болатын немесе өмірлік маңызы жоқ болса, асықпаған дұрыс. Шешім эмоцияға емес, нақты қажеттілікке негізделуі тиіс.
2. Қаржылық мүмкіндікті есептеу
Ай сайынғы төлем табысқа сәйкес болуы қажет. Жалпы алғанда, ол табыстың 20–30%-ынан аспауы тиіс. Сонымен қатар күтпеген жағдайлар кезінде төлем жасау мүмкіндігі сақтала ма — соны да алдын ала бағалау керек.
3. Кредиттің толық құнын түсіну
Тек ай сайынғы төлемге емес, жалпы қайтарылатын сомаға назар аудару қажет. Пайыз, комиссия, айыппұл сияқты қосымша шығындарды толық есептемейінше, шешім қабылдауға болмайды.