Sputnik.KZ парақшасындағы ақпаратқа сәйкес, Qazaq24.com хабар таратты..
АЛМАТЫ, 27 шілде – Sputnik. Қостанай облысының тұрғыны криптовалютамен 1,9 млрд теңге заңсыз табыс тапқан, деп хабарлайды облыстық прокуратура.
28 жастағы тұрғын 2020-2024 жылдар аралығында тиісті рұқсатсыз Binance платформасында цифрлық активтерді сатып алу-сату бойынша заңсыз қызмет ұйымдастырған.
Қаржылық операцияларды жүргізу үшін сотталушы өзінің, туыстарының және өзге адамдардың банк шоттарын пайдаланған. Заңсыз қызметтен ол 1,9 млрд теңге заңсыз пайда тапқан.
"Сот үкімімен оның мүлкі тәркіленіп, 2 жылға бас бостандығынан айырылды. Сондай-ақ цифрлық активтерді шығаруға және олардың айналымына, цифрлық майнингке байланысты қызметпен айналысу құқығынан 7 жыл мерзімге айырды", - дейді прокуратура.
Облыс прокуратурасының талап-арызы бойынша сот сотталған адамнан мемлекет пайдасына 1,9 млрд теңгеден астам соманы өндіріп алды. Сонымен қатар мемлекет пайдасына 13,4 миллион теңге, 2 жеңіл автокөлік және 7,9 мың АҚШ долларын тәркіледі.