Qazaq24.com, Azh.KZ дереккөзінен алынған ақпаратқа сүйене отырып мәлімет бөліседі..
Мадагаскарда әскери күштер елді басқаруды өз қолына алды. Бұл туралы армияның кадрлық басқару корпусының басшысы, полковник Микаэль Рандрианирина мәлімдеді, деп хабарлайды Коммерсантъ.
Оның айтуынша, әскери бөлімше елдегі барлық мемлекеттік институттарды таратып, тек төменгі палатаны ғана қалдырған. Бұл шешім елде басталған жаппай наразылықтар мен президент Андри Радзуэлинаға импичмент жариялануы аясында қабылданды.
Президент 14 қазанда Ұлттық ассамблеяны тарату туралы жарлық шығарғанымен, депутаттар жиналып, 130 дауыспен импичментті қолдады.
Радзуэлина елден кетіп қалған. Наразылықтар 25 қыркүйекте су мен электр қуатының жетіспеушілігіне байланысты басталып, кейін коррупция мен тиімсіз басқаруға қарсы жаппай демонстрацияға ұласты.
БҰҰ деректеріне сәйкес, алғашқы аптада кемінде 22 адам қаза тауып, жүзге жуық адам жараланған.
Бүгін, 19:17