Sputnik.KZ дереккөзінен алынған мәліметтерге сүйене отырып, Qazaq24.com түсініктеме жасады..
АСТАНА, 24 қыркүйек – Sputnik. Маңғыстау облысында оқу-жаттығу кезінде төтенше жағдай болып, 9 адам көз жұмды, деп хабарлады Қорғаныс министрлігі.
24 қыркүйек күні Каспий теңізінің жағалауында ауа-райының күрт нашарлауы және желдің күшеюіне байланысты әскери қызметшілерді теңізге алып кеткен.
Алдын ала мәлімет бойынша теңізге 19 әскери қызметшіні алып кеткен.
Қазіргі уақытта оның 9-ы қайтыс болды.
Үш әскери қызметші құтқарылды, олардың біреуі ауруханаға жатқызылды.
Қалғандарын іздестіру жұмыстары жүргізілуде.
Оқиға орнына құтқару қызметтерінің күштері мен құралдары дереу жіберілді.
Іздестіру-құтқару жұмыстарына Әскери-теңіз күштерінің, Төтенше жағдайлар министрлігінің бөлімшелері, авиация және басқа да тиісті қызметтер жұмылдырылды.