Sputnik.KZ парақшасынан алынған деректерге сүйене отырып, Qazaq24.com жаңалық жариялайды..
АСТАНА, 30 қараша – Sputnik. Маңғыстау облысында психиатриялық ауруханаға түскен 18 жастағы сарбаздың арызынан кейін қылмыстық іс қозғалды, деп хабарлайды Sputnik Қазақстан Lada порталына сілтеме жасап.
Мерзімді әскери борышын өтеген 18 жастағы Сұлтан Шынтеміров психикам бұзылды деп шағымданған. Осыдан кейін оны медициналық тексеріске жіберген болатын. Дәрігерлер әскери қызметті жалғастыра алмайды деген шешімге келіп, сарбазды денсаулығына байланысты запасқа жіберді.
Әскери қызметтен босатылған Шынтеміров әскерде өзіне қатысты заңсыз әрекеттер болғанын айтқан. Осы фактілер бойынша қылмыстық іс қозғалды. Құзіретті органдар тергеу шараларын бастады.
Айта кетері, бұған дейін бұқаралық ақпарат құралдарында 18 жастағы сарбаздың мәселесі жайында жазылған. Оның туыстары қазіргі жағдайына әскердегі әлімжеттік себеп болды деп санайды.