Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..
Премьер-министрдің орынбасары – Жасанды интеллект және цифрлық даму министрі Жаслан Мәдиев денсаулық сақтау жүйесін цифрлық трансформациялау мәселелеріне арналған жұмыс кеңесін өткізді.
Кездесу барысында медициналық көмектің сапасына тікелей әсер ететін нақты басымдықтар талқыланды. Атап айтқанда, медициналық көмектің қолжетімділігін арттыру, дәрігерлер мен медицина қызметкерлеріне түсетін әкімшілік жүктемені азайту, процестердің ашықтығын қамтамасыз ету мен деректермен жұмыс істеу арқылы саланы тиімді басқару мәселелері қаралды.
Медициналық қызмет сапасы мен көлемін жасанды интеллект технологияларын қолдану арқылы бақылау жүйесін құру міндетін бұған дейін Мемлекет басшысы өз Жолдауында белгілеген болатын.
Цифрлық трансформация аясында қолданыстағы ақпараттық жүйелерді шоғырландыру, сондай-ақ Бірыңғай мемлекеттік медициналық ақпараттық жүйені (БММАЖ) және медициналық деректердің бірыңғай қоймасы – Smart Data Healthcare жүйесін дамыту жоспарланып отыр. Аталған платформа денсаулық сақтау саласындағы қолданыстағы ақпараттық жүйелердегі (соның ішінде жеке медициналық ақпараттық жүйелердегі) мәліметтерді біріктіріп, деректерге негізделген кешенді талдау, болжау мен басқарушылық шешімдер қабылдауға мүмкіндік береді.
Азаматтарға бұл медициналық қызметтерді түсінікті ете түседі. Оларда өздерінің электрондық денсаулық паспортына қол жеткізу, тағайындауларды, көрсетілген қызметтер мен емдеу тарихын «деректерді пациенттің өзі бақылайды» қағидаты бойынша цифрлық форматта қадағалау мүмкіндігі пайда болады.
Сервистерді ыңғайлы ету мақсатында барлық шешімдер QazTech платформасында орналастырылып, eGov жүйесімен біріктіріледі. Бұл азаматтарға артық анықтамасыз немесе кезексіз, медициналық қызметке жылдам әрі оңай қол жеткізуге мүмкіндік береді.
Денсаулық сақтау жүйесіндегі негізгі міндеттердің бірі – деректерді қорғау мен бұрмалаудың алдын алу. Медициналық ұйымдарда пациенттердің нақты келуін тіркейтін faceID тетіктері енгізілген. Енді оны екі тәсілмен: eGov Mobile қосымшасы арқылы немесе биометриялық сәйкестендіру көмегімен растауға болады.
Бұған қоса өткен жылдан бастап «Әлеуметтік әмиян» жобасы жүзеге асырылып жатыр. Оның аясында азаматтар амбулаториялық дәрі-дәрмекпен қамтамасыз ету шеңберіндегі кепілдендірілген дәрілік заттар пакетін ала алады. Қызмет 700-ден астам мемлекеттік дәріхананы қамтиды (17 млн рецептінің 13,9 млн-ы «Әлеуметтік әмиян» жобасының цифрлық тетігі арқылы рәсімделген).
Биыл бұл тәжірибені қосымша төлем тетігін пайдалана отырып, жекеменшік дәріханаларда да кеңінен қолдану жоспарланып отыр. Бұдан бөлек, медициналық қызметтерге ваучер алу мүмкіндігін енгізу көзделіп отыр. Бұл азаматтар үшін медициналық көмек алу үдерісін одан әрі ашық әрі ыңғайлы етеді.
Цифрлық шешімдер кезең-кезеңімен енгізіледі. Негізгі мақсат – азаматтарға нақты нәтиже ұсыну және дәрігерлер мен жалпы денсаулық сақтау жүйесіне түсетін жүктемені азайту.
Соңғы жаңалықтар
Digital • Бүгін, 09:50
Әскер • Бүгін, 09:45
Аймақтар • Бүгін, 09:40
Технология • Бүгін, 09:35
Ғалам ғажаптары • Бүгін, 09:30
Түйе сүтінен – балмұздақ пен йогурт
Экономика • Бүгін, 09:25
Жасанды интеллект • Бүгін, 09:20
Өндіріс • Бүгін, 09:15
Әлеуметтік қамсыздандыру: мақсат пен меже
Қоғам • Бүгін, 09:10
Тікелей сұхбаттастықтың пайдасы
Саясат • Бүгін, 09:05
Бірпалаталы жаңа Парламенттің атауы қарастырылды
Саясат • Бүгін, 09:00
Медицина жүйесін цифрландыру жайы талқыланды
Медицина • Бүгін, 08:58
Айбын • Бүгін, 08:55
Шетел жұмысшылары қай салада көп?
Қоғам • Бүгін, 08:50
Аймақтар • Бүгін, 08:45