Мектебі көбейген мегаполис

Egemen.KZ парақшасынан алынған ақпаратқа сүйене отырып, Qazaq24.com хабарлама жасады..

Білім мен ғылымның орталығы саналатын Алматыда жаңа мектептер бой көтеріп, оқу орталықтарының саны артып келеді. Қазір мегаполисте 350-ден аса мектепте 300 мыңнан астам оқушы білім алып жатыр. Биыл «Келешек мектептері» ұлттық жобасы аясында 11 700 орынға арналған 8 мектеп ашу жоспарланып отыр. Былтыр 12 мектеп пайдалануға берілді.

Қазір «2025–2027 жылдарға арналған 1 300 мектепті жаңалау» жобасы іске асып жатыр. Былтыр 15 мектепте жөндеу-қайта жаңарту жұмыстары жүргізілген болса, биыл – 9, келер жылы жылы 7 білім беру нысанын жаңарту көзделіп отыр.

Қала халқының саны жыл сайын кемінде 10–12 мың адамға көбейіп келеді. Соған орай оқушы орындары да жетіспейді. Осыған қарамастан, қалада үш ауысымды, апатты мектептер мәселесі толыққанды шешілген. Былтыр оқушы орны жетіспеушілігі 30 мыңды құраса, жыл соңына дейін көрсеткіш 16 мыңға азайды. Былтыр «Келешек мектептері» жобасы аясында Алатау ауданындағы Ақбұлақ шағын ауданында – №154 (1500 орын), Теректі шағын ауданында – №213 (2000 орын), Самғау шағын ауданында – №217 (2000 орын), Қарасу шағын ауданында – №218 (2000 орын), Әйгерім шағын ауданында – №222 (2000 орын), Наурызбай ауданында – №214 (1500 орын), осы ауданға қарасты Құрамыс шағын ауданында – №219 (1 500 орын) Шұғыла шағын ауданында – №221 (2500 орын), Бостандық ауданында – №215 (1500 орын), №224 (2500 орын), Алмалы ауданында №216 (1500 орын), Медеу ауданында – №220 (2000 орын) жалпы білім беретін мектеп пайдалануға берілді. Биыл алғашқы тоқсанда тағы да 4 мектептің құрылысы басталады.

АЛМАТЫ

Соңғы жаңалықтар