Inform.KZ парақшасындағы ақпаратқа сәйкес, Qazaq24.com хабар таратты..
Жоба жаңа мектеп инфрақұрылымы моделін қалыптастыруға бағытталған.
Оқу-ағарту вице-министрі Жайық Шарабасовтың айтуынша, үш жылдың ішінде халықаралық стандарттарға сай келетін 460 мың оқушы орнына арналған 217 жаңа форматтағы мектеп салынды.
Барлық нысан бірыңғай стандарт бойынша салынған. Оның ішінде 87 мектеп ауылдық жерлерде орналасқан. Бұл қалалық және ауылдық мектептер арасындағы инфрақұрылымдық алшақтықты айтарлықтай азайтты.
— Жаңа форматтағы мектептер заманауи пәндік кабинеттерімен, STEM-зертханаларымен және робототехника кабинеттерімен, сондай-ақ шығармашылық орталықтар, шеберханалармен жабдықталған. Оқу кеңістіктері әр оқушыға арналған жеке шкаф пен жылжымалы парталар, ауызсу фонтандарымен қамтамасыз етілген. Сонымен қатар, физикалық белсенділікті дамытуға ерекше назар аударылған: 2–4 спорт залдары және футбол, баскетбол, волейбол және воркаут алаңдары қарастырылған. Солтүстік аймақтардағы климаттық жағдайларды ескере отырып хоккей алаңдары, ал оңтүстікте теннис алаңдары салынған, — деді Жайық Шарабасов.
Нысандардың сапасын қамтамасыз ету мақсатында құрылыс конструкциялары үшін — 5 жыл, жабдықтар мен жиһаз үшін — 3 жыл кепілдік мерзімдері белгіленген. Бұл мектептерді сапалы және ұзақ мерзімді пайдаланылуды қамтамасыз етеді.
Айта кетелік Қазақстанда цифрлық мектептер дамитыны жөнінде жазған едік.