Sputnik.KZ парақшасындағы ақпаратқа сәйкес, Qazaq24.com хабар таратты..
АСТАНА, 10 сәуір – Sputnik. Бас прокуратура мен Қаржы мониторингі агенттігінің қызметкерлері сеніп тапсырылған қаражатты ұрлады деген күдікке ілінген Қазақстан азаматын Грузиядан экстрадициялады.
Компания басшысы адамдар тобының алдын ала сөз байласуы арқылы қаражатты ұрлау мақсатында мемлекеттік сатып алу нормасын қолданбай, спутниктік және телекоммуникациялық жабдықты жалға алудың заңсыз шартын жасағаны анықталды.
"Қылмыстық іс-әрекеттің салдарынан "Транстелеком" АҚ арқылы мемлекетке 4 миллиард теңгеден астам шығын келген", - деп жазылған Бас прокуратураның хабарламасында.
Қылмыс жасағаннан кейін күдікті жасырынған, осыған байланысты халықаралық іздеу жарияланған.
Биыл наурыз айында ол Грузия аумағында ұсталып, Қазақстан Бас прокуратурасының сұрауы бойынша Қазақстанға экстрадицияланды.
Қазіргі уақытта күдікті тергеу изоляторына қамалды.
Айып тағылған қылмыстар үшін қылмыстық заңнамада мүлкі тәркіленіп, 12 жылға дейін бас бостандығынан айыру жазасы көзделген.