Sputnik.KZ парақшасынан алынған деректерге сүйене отырып, Qazaq24.com жаңалық жариялайды..
АСТАНА, 14 шілде – Sputnik. Сауда және интеграция министрі Арман Шаққалиев биыл алты айдың ішінде барлық өңірде сауда көлемі өскенін айтты, деп хабарлайды Sputnik Қазақстан тілшісі.
Дегенмен ең жоғары өсім төрт аймақта тіркелген. Олар:
Павлодар облысы (125,3 %);
Солтүстік Қазақстан (121,8%);
Түркістан облысы (121,4 %);
Шымкент (121,8 %).
Ал Қазақстандағы жалпы тауар айналымының 70 пайыздан астамы Алматы, Астана, Шымкент қалаларына, сондай-ақ Атырау және Қарағанды облыстарына тиесілі.
Бүгінде өнімсіз делдалдарға бақылау күшейтіліп, тауар қозғалысын кезең-кезеңімен қадағалау жүйесі енгізілді.
"Қабылданған шаралардың алғашқы нәтижесі бар. Алты айдың қорытындысы бойынша азық-түлік тауарлары бөлшек саудасының нақты көлем индексі 9,5 пайызға өсіп, өткізу көлемі 3,7 трлн теңгені құрады", - дейді Шаққалиев.