Министрлік математикадан үздік өңірлерді атады

АСТАНА, 9 қыркүйек – Sputnik. Оқу-ағарту министрлігі PISA-2025 зерттеуі бойынша математика мен жаратылыстану бойынша үздік өңірлерді атады, деп хабарлайды Sputnik Қазақстан.

Халықаралық зерттеуге сәйкес, Астана мен Солтүстік Қазақстан облысы жаратылыстану, математика және оқу сауаттылығы бойынша барлық үш бағытта да үздік үштікке еніп, жоғары және тұрақты нәтиже көрсетті. Ал математика бойынша Жамбыл облысы бірінші орында тұр.

Жаратылыстану:

1.

Солтүстік Қазақстан облысы

2.

Астана

3.

Қостанай облысы

Математика:

1.

Жамбыл облысы

2.

Астана

3.

Солтүстік Қазақстан облысы

Оқу сауаттылығы:

1.

Астана

2.

Қостанай облысы

3.

Солтүстік Қазақстан облысы

Министр Жұлдыз Сүлейменованың айтуынша, PISA нәтижелерін жекелеген өңірлердің жетістігін бағалау ретінде ғана емес, ең алдымен білім сапасын одан әрі арттырудың құралы ретінде қарастыру қажет.

"Тұрақты жоғары нәтиже көрсетіп отырған өңірлердің тәжірибесін жан-жақты зерделеп, тиімді практикаларды айқындау және оларды тарату маңызды. Сонымен қатар нәтижелері жұмысты күшейтуді қажет ететін өңірлерге ерекше назар аударылуы тиіс", - деді Сүлейменова арнайы кеңесте.

Жергілікті басқармалар мен ұйымдар білім беру жағынан айырмашылықтарды қысқарту бойынша тиісті шараларды қолға алуы керек.