Qazaq24.com, Sputnik.KZ дереккөзінен алынған ақпаратқа сүйене отырып жаңалық таратады..
АСТАНА, 11 қазан - Sputnik. Ақтау қаласында Қазақстанның ірі мұнай-газ компанияларының қатысуымен мұнай-газ машина жасау форумы және операторлардың ашық есік күні өтті.
Іс-шараға мемлекеттік органдардың, ірі мұнай-газ операторларының, салалық қауымдастықтар мен даму институттарының, сондай-ақ отандық және шетелдік мұнай-газ машина жасау кәсіпорындарының өкілдері қатысты.
© Photo : Маңғыстау облысы әкімдігіАқтауда Отандық өндірушілердің мұнай-газ машина жасау форумы өтті
Ақтауда Отандық өндірушілердің мұнай-газ машина жасау форумы өтті
© Photo : Маңғыстау облысы әкімдігі
Форум алаңында қазақстандық өндірушілердің көрмесі өтіп, 45 компания металл құрылымдар, құбырлар, сорғылар, мұнай-химия, химиялық жабдықтар және т.б. өнімдерін ұсынды.
"Шараның басты мақсаты – еліміздің ірі жобаларында отандық тауарөндірушілердің қатысуын қолдау арқылы отандық өндірісті кеңінен дамыту, импортқа тәуелділікті азайту және өңіріміздің кәсіпорындарына тың мүмкіндіктер беру", - деп хабарлады облыс әкімдігінің баспасөз қызметі.
Салтанатты шара аясында жалпы сомасы 244 млрд теңге болатын шамамен 40 келісімшарт жасалды.
© Маңғыстау облысы әкімдігіАқтауда Отандық өндірушілердің мұнай-газ машина жасау форумы өтті
Ақтауда Отандық өндірушілердің мұнай-газ машина жасау форумы өтті
Сонымен қатар, отандық тауар өндірушілермен өзара ынтымақтастықты дамыту мақсатында 19 меморандумға қол қойылды. Бұл құжаттар өндірістік және сервистік мүмкіндіктерді кеңейтуге, сондай-ақ отандық жеткізушілердің ірі жобалардың жабдықтау тізбегіне қатысуын ынталандыруға бағытталған.