Qazaq24.com, Egemen.KZ дереккөзінен алынған мәліметтерге сүйене отырып түсініктеме береді..
Мемлекеттік кірістер комитетінің мәліметінше, мұнай өндіруші компаниялар ел бюджетіне миллиардтаған теңге қосымша салық төлеген, деп жазады Egemen.kz.
Фото: egemen.kz/ Ерлан Омар
Жыл басынан бері мұнай саласындағы жер қойнауын пайдаланушыларды әкімшілендіру аясында «Ұлттық қорға» қосымша 22,5 миллиард теңге түскен.
Сондай-ақ саладағы 6 тексеру аяқталған. Тексеру қорытындысы бойынша қосымша бағалау 36 млрд теңгені құрап, оның 1,6 миллиард теңгесі өндірілген.
Бұған дейін үш тоқсанның қорытындысы бойынша мұнай-газ саласынан түскен жалпы түсім 8,4 триллион теңгеге жеткені хабарланған. Бұл өткен жартыжылдықтағы көрсеткіштен екі жарым есе көп. Салық түсімдерінің ең үлкен бөлігі елдегі үш ірі жоба Теңіз, Қарашығанақ, Қашаған кен орындарынан түскен.