Нацбанк продлил льготы по автокредитам до конца 2027 года

Қазақстан Ұлттық Банкі автокөлік несиелері бойынша борыш жүктемесі коэффициентін (БЖК) міндетті талаптардан босату шараларын ұзарту туралы шешім қабылдады, деп хабарлайды Tengri Auto.

Автокөлік несиелерін беру кезінде БЖК талабын сақтау міндеттемесінен босату 2027 жылғы 31 желтоқсанға дейін күшінде қалады.

Анықтама: Борыштық жүктеме коэффициенті (БЖК) қарыз алушының ай сайынғы табысының қанша пайызы барлық несиесі бойынша төлемдерге кететінін көрсетеді. Банктер адамның жаңа несиені төлей алу қабілетін бағалау кезінде осы көрсеткішті ескереді.

Реттеушінің түсіндіруінше, жеңілдік автонесиелердің үш санатына қолданылады. Басты шарт – көлік құралы несие бойынша кепіл ретінде қызмет етуі тиіс.

Кімге несие алу жеңілдейді? Жаңа көлік сатып алушыларға

Бұл ерекшелік пайдаланылмаған және Қазақстанда алғаш рет тіркеліп жатқан жаңа көлік құралын сатып алуға берілетін несиелерге қолданылады.

Қомақты алғашқы жарна төлей отырып, айдалған көлікті сатып алушылар үшін

Көлік құнының кемінде 50 пайызын алғашқы жарна ретінде төлеп, пайдаланылған көлік сатып алған жағдайда, бұл жеңілдік қолжетімді болып қалады.

Салыстырмалы түрде жаңа, бұрын қолданыста болған көліктерді сатып алушылар үшін

Көлік құнының кемінде 30 пайызы мөлшерінде бастапқы жарна төленген жағдайда, пайдалану мерзімі 3 жылға дейінгі көліктерге БЖК қатысты ерекшелік қолданылады.

Мерзімді ұзарту туралы шешім қазіргі нарықтық жағдайды талдауға негізделген. Ұлттық банк 2027 жыл бойы несие нарығын бақылауды жалғастыратынын атап өтті. Егер нақты сегменттерде жүйелік тәуекелдер арта бастаса, реттеуші халықтың қарыз жүктемесін ескере отырып, қосымша шаралар енгізу құқығын өзіне қалдырады.

Мән-жайы

Ұлттық банк бұған дейін автонесиелеу көлемінің қарқынды өскенін және портфель сапасының нашарлау қаупі бар екенін хабарлаған болатын. Реттеуші орган қаржылық тұрақтылық туралы есебінде бұл тәуекелдердің, басқа факторлармен қатар, несие мерзімдерінің ұзаруымен және қымбатырақ көлік құралдарына деген сұраныстың артуымен байланысты екенін атап өтті.

Бізді Google-дың негізгі дереккөздер тізіміне қосыңыз

Қосу