Qazaq24.com, Tengrinews.KZ дереккөзінен алынған мәліметтерге сүйене отырып ақпарат бөліседі..
Narxoz Business School (NBS) бизнес-мектебінің MBA бағдарламасы үшінші жыл қатарынан Орталық Азиядағы үздік бағдарлама ретінде танылып, өңірдегі бизнес-мектептер арасындағы көшбасшылығын сақтауда. QS Global MBA 2027 халықаралық рейтингіне сәйкес, бағдарлама Азияның үздік 50 MBA бағдарламасының қатарына енді. Осылайша, ол Сингапур, Жапония, Оңтүстік Корея, Қытай және басқа да елдердегі бірқатар беделді бизнес-мектептерден тағы да озып шықты. QS әлемдік рейтингінде NBS-тің MBA бағдарламасы 251-300 аралығындағы орынға орналасқан.
Университет мәліметінше, QS рейтингінде MBA бағдарламалары түлектердің мансаптық жетістіктері, олардың бизнес пен кәсіпкерлік саласындағы табыстары, білім алушылар мен профессорлардың халықаралық құрамы, ғылыми-сараптамалық көшбасшылық, сондай-ақ білімге салынған инвестицияның қайтарымы сияқты талаптар бойынша бағаланады. Бәсекелестіктің күшеюі және жаңа рейтингке енген бизнес-мектептер санының артуына қарамастан, NBS осы бағыттардың барлығы бойынша өз позициясын нығайтып, көшбасшылық орнын сақтап келеді.
Оқу орны пікірінше, халықаралық беделді компания басшылары, жоғары буын менеджерлер мен кәсіби мамандар үшін бизнес-білім беру бағдарламасын таңдау кезінде маңызды факторлардың біріне айналып отыр. Kolesa Group бас директоры Дмитрий Ботанов үшін Narxoz Business School-да оқу кәсіби білімін тереңдету мен бизнесті басқарудың жаңа тәсілдерін меңгеруге мүмкіндік берді.
Kolesa Group бас директоры Дмитрий Ботанов (ортада, қолында сертификаты бар) Narxoz Business School-де бірге оқитын тыңдаушылармен
"Бағдарламаны таңдау кезінде әріптестеріммен бірге түрлі бизнес-мектептердің ұсыныстарын зерттеп, оқу шарттарын салыстырып, пікірлер жинадық. Халықаралық рейтингтер, соның ішінде QS рейтингі, шешім қабылдаудағы маңызды себептердің бірі болды. Дипломымыздың Қазақстаннан тыс жерде де мойындалғанын қаладық. Нәтижесінде осы факторлардың жиынтығы NBS-ды таңдауымызға ықпал етті. Қазір оқуды бастағанымызға бір жылға жуық уақыт өтті. Таңдауымызға өкінбегенімізді сенімді түрде айта аламын", – дейді Дмитрий Ботанов.
Оның айтуынша, бұл оқу басқарушы командаға жұмыс процестерін қайта қарастыру, ішкі коммуникацияларды жетілдіру, қаржылық есепті жаңа қырынан талдап, жасанды интеллектіні белсендірек енгізуге көмектесуде. Дмитриймен бірге компанияның операциялық директоры мен HR департаментінің басшысы да осы бағдарламада білім алуда. Бірлесіп оқу басқарушыларға жаңа тәсілдерді талқылап, бизнестегі өзгерістерді үйлесімді түрде жүзеге асыруға мүмкіндік береді.
Оқу орны бизнес-білім берудің практикалық құндылығы коммерциялық сектордан тыс салаларда да көрініс табатынын мәлімдеді. People Consulting компаниясының серіктесі, жоғары буын басшыларын іріктеу саласында 17 жылдық тәжірибесі бар HR-кеңесші Арман Шоқпаров NBS-те алған білімін коммерциялық емес ұйымдармен жұмыс істеу барысында да қолданады.
People Consulting серіктесі, HR-консультант Арман Шоқпаров (сол жақтан екінші, ашық сарғыш түсті пиджак киген) Narxoz Business School түлектерімен бірге
"Narxoz Business School-да алған білімімді жоғары бағалаймын. Оның басым бөлігі қазіргі нарық жағдайында өте өзекті, әрі бірқатар қоғамдық қорлардың қызметінде қолдануға пайдасы зор. Сонымен қатар, өзге де NBS түлектерімен орнаған байланыстар бірлескен жобалар мен қорларымыз арасында ынтымақтастықты жүзеге асыруға жаңа мүмкіндіктер ашты", – деді Арман Шоқпаров.
Университет мәліметінше, халықаралық рейтингтердегі нәтижелермен қатар, Narxoz Business School-дың дамуында білім беру бағдарламалары сапасының тәуелсіз бағалануы да маңызды рөл атқарады. 2026 жылы мектеп беделді AMBA және BGA бірлескен аккредитациясына ие болды. Бұл аккредитация әлемдегі бизнес-білім беру саласының үздік 2%-ына кіретін бизнес-мектептердің бағдарламаларын біріктіреді. QS Global MBA Rankings рейтингіндегі нәтижелермен қатар, аталған аккредитация NBS-тің халықаралық беделін нығайтып, шетелдік университеттермен, оқытушылар және бизнес-серіктестермен ынтымақтастық мүмкіндіктерін кеңейтеді.
Бағдарламаларды жетілдіру жұмысына Narxoz Business School-дың Халықаралық консультативтік кеңесі де үлес қосады. Оның құрамына шетелдік бизнес-мектептер, бизнес-сектор мен кәсіби ұйымдардың жоғары буын басшылары кіреді. Кеңес NBS бағдарламаларын халықаралық тәжірибемен салыстыру, еңбек нарығының өзекті талаптарын талқылау және Қазақстанның іскерлік ортасына тән ерекшеліктерді ескеруге көмектеседі.
NBS Халықаралық консультативтік кеңесінің мүшесі Ник Барнивиллдің пікірінше, мектептің халықаралық жетістіктері оның академиялық беделі үшін ғана емес, жұмыс берушілер мен кәсіби қауымдастықтың білім беру бағдарламаларына деген көзқарасы тұрғысынан да маңызды.
Narxoz Business School Халықаралық консультативтік кеңесінің мүшесі Ник Барнивилл (оң жақта, қою көк түсті пиджакпен) NBS Leadership Forum 2026 форумында
"QS өңірлік рейтингіндегі жоғары орын мен AMBA аккредитациясы Нархоз брендіне деген сенімді нығайтады. MBA нарығын жақсы білетін халықаралық рекрутерлер мұндай жетістіктерді білім сапасының көрсеткіші ретінде қабылдайды. Сонымен қатар, бұл нәтижелер Нархозға осындай рейтингтер мен аккредитациялар арқылы өз деңгейін әрдайым дәлелдей алмайтын жергілікті бәсекелестердің арасында ерекшеленуге мүмкіндік береді", – деп атап өтті Ник Барнивилл.
Нархоз университеті халықаралық бедел бизнес-қоғамдастықпен жүйелі жұмыс жүргізумен, кәсіби тәжірибе алмасуға, нетворкингке және ынтымақтастыққа жағдай жасаумен толықтырылатынын мәлімдеді. Мәлімет бойынша 2025-2026 жылдары Narxoz Business School шеберлік сабақтары мен конференциялардан бастап халықаралық форумдар, сарапшылық кездесулер және серіктестік жобаларға дейінгі әртүрлі форматтағы 120-ға жуық іс-шара өткізді. Оларға маркетинг, HR, қаржы, аудит, комплаенс және банк секторы салаларынан 1 000-нан астам бірегей қатысушы жиналды.
Narxoz Business School-дың бизнес-қауымдастық тарапынан мойындалуының тағы бір маңызды көрсеткіші – мектеппен ынтымақтастық қарым-қатынастағы 500-ден астам корпоративтік клиенттің болуы. Олар қызметкерлерінің біліктілігін арттыру, басқарушылық құзыреттерін дамыту және басшылар даярлау үшін мектептің білім беру бағдарламаларын таңдайды.
Narxoz Business School-дың кәсіби ортасын қалыптастыруда түлектер қауымдастығының да маңызы зор. Оқуды аяқтағаннан кейін түлектер бизнес пен басқару салаларындағы мансабын жалғастырып, оқу кезінде орнатқан кәсіби байланыстарын сақтап келеді. Бүгінде MBA, Executive MBA және DBA бағдарламаларын 3 000-нан астам маман аяқтап, NBS түлектері қауымдастығының мүшесіне айналды.
Narxoz Business School Орталық Азиядағы ауқымын жүйелі түрде кеңейтіп келеді. Биыл Астана мен Ташкентте өкілдіктердің ашылуы мектепке серіктестік байланыстарын нығайтуға және NBS-тің білім беру мүмкіндіктерін бүкіл өңір мамандары үшін қолжетімді етуге жол ашады.
Narxoz Business School-дың Ташкенттегі өкілдігінің ашылу рәсімінде: Kimyo Business School Президенті Ұлықбек Васиков (сол жақта), Kimyo International University in Tashkent басқарушысы Әлішер Вахобов (сол жақтан екінші), Нархоз университетінің Президенті Қанат Қожахмет (оң жақтан екінші) және Narxoz Business School деканы Гүлнар Күренкеева (оң жақта)
Оқу орны мәліметінше, халықаралық рейтингтердегі жоғары нәтижелер, беделді аккредитациялар және бизнес-қауымдастықпен тығыз ынтымақтастық Narxoz Business School-дың Орталық Азиядағы жетекші бизнес-білім беру орталықтарының бірі ретіндегі орнын нығайтады. Халықаралық білім беру тәжірибесін нақты бизнес міндеттерімен ұштастыра отырып, NBS цифрлық трансформация, жасанды интеллектіні енгізу және жаһандық бәсекелестік жағдайында тиімді шешім қабылдай алатын, инновацияларды жүзеге асырып, бизнестің дамуына бағыт беретін жаңа буын басшыларын даярлауға басымдық береді.
Серіктестік материал
Бізді Google-дың негізгі дереккөздер тізіміне қосыңыз
Қосу