NASA Марстың жаңа суреттерін көрсетті

NASA Perseverance аппараты түсірген Марстың жаңа суреттерін жариялады. Желі қолданушылары суреттердегі пейзаждың Жер ландшафттарына өте ұқсас екенін байқаған, деп хабарлайды Tengri Life.

NASA Instagram парақшасында әсерлі суреттерді бөлісті. Кадрларда Марс пейзажы түсірілген.

"Perseverance аппараты түсірген бұл суреттен ежелгі Марс көлінің жиегін көруге болады. Ғалымдар жергілікті тау жыныстарын зерттей отырып, аймақтың бұрынғы су белсенділігі туралы, сондай-ақ бұл жерде тіршілік болуы мүмкін бе деген сұрақтарға қатысты мәліметтер ала алады", - делінген жарияланымда.

Instagram-дағы бұл жазбаны көру

A post shared by NASA (@nasa)

NASA мәліметінше, Марс ландшафтының суреттер сериясы Езеро кратерінің ішкі жиегі бойында түсірілген. Суреттерден тереңдігі мен құрылымы әртүрлі қызғылт-қоңыр топырақты, төбелі жер бедері көрінеді.

Анықтама: НАСА (NASA) - бұл Аэронавтика және ғарыш кеңістігін зерттеу жөніндегі ұлттық басқарма (АҚШ).

Суреттер 105 мыңға жуық лайк жинады. Желі қолданушыларының көбі Марсты өз көзімен көргісі келетінін жарыса жазды.

"Жерді Марстан көруді армандаймын - бұл керемет болар еді!" "Қандай ғажайып көрініс! Өзге әлемді зерттеп, тануға көмектесіп жүрген жандардың бәріне зор құрмет". "Өте керемет. Жердегі шөлдерге ұқсайды екен". "Назар аударыңыз: мұнда бұта да, өсімдік те жоқ - шаң, мұз бен темірден басқа ештеңе көрінбейді. Өйткені бұл Марс".

Айта кетейік, қазанда түнгі аспанды бақылауды ұнататындар үшін бірнеше қызықты оқиға болады. Сарапшы Светлана Мошкина қазақстандықтар бұл айда Драконидтер мен Орионидтер метеор ағынын, Сатурн мен Веста астероидының қарсы тұруын және басқа да құбылыстарды көре алатынын айтты.

Тағы оқыңыз: “Өзге ғаламшарлықтар ма?“ Аспандағы жұмбақ жарық қазақстандықтарды таңғалдырды

Бізді Google-дың негізгі дереккөздер тізіміне қосыңыз

Қосу