Sputnik.KZ парақшасынан алынған ақпаратқа сәйкес, Qazaq24.com хабарлайды..
АСТАНА, 1 қараша – Sputnik. Нидерланды және оның серіктестері Украинаға Patriot әуе қорғанысы зымырандарын жеткізуді жеделдету жолдарын пысықтап жатыр, деп хабарлады елдің қорғаныс министрі Дилан Йешильгез-Зегериус.
"Біз Украинаға Patriot зымырандарын жеткізудің ірі пакетін мақұлдауға бір қадам жақындадық... Қорғаныс министрлігі серіктестерімен бірге бұл жеткізуді жеделдету жолдарын пысықтап жатыр", - деп жазды Йешильгез-Зегериус әлеуметтік желілерде.
Бұған дейін АҚШ Мемлекеттік департаменті Украинаға Patriot әуе шабуылына қарсы қорғаныс жүйелеріне арналған PAC-3 үлгісіндегі 500 зениттік зымыранды сатуды мақұлдаған болатын.
Келісімнің болжамды жалпы құны 2,1 миллиард долларды құрайды және ол толығымен серіктестер мен одақтастардың қаражаты есебінен қаржыландырылады.
Ресей Украинаға қару жеткізу қақтығысты реттеу процесіне кедергі келтіріп жатыр деп санайды. Кремль Батыстың Украинаны қару-жарақпен қамтамасыз ету келіссөздерге кері әсер ететінін мәлімдеді.