NURORDA оқушылары халықаралық олимпиадада топ жарды

Qazaq24.com, Egemen.KZ дереккөзінен алынған мәліметтерге сүйене отырып түсініктеме береді..

Америка Құрама Штаттарының Орландо қаласында Халықаралық Neo Science олимпиадасы өтті. Онда «NURORDA» мектеп-лицейінің оқушылары жоғары нәтиже көрсетті. Мәртебесі биік білім бәйгесіне әлемнің 22 елінен 400-ден астам оқушы қатысып, ғылым мен инновация бағытындағы тәжірибелерін сарапқа салды, деп жазады Egemen.kz.

DIY (Do It Yourself) санатында 7-сынып оқушылары Жандәулет Амангелді, Али Ертай мен Сүлеймен Мергенбаев алтын медальге ие болды. Ал жаратылыстану ғылымдары бағыты бойынша 6-сынып оқушысы Айсана Саду, 8-сынып оқушысы Зере Саду, 7-сынып оқушылары Али Ертай және Әдел Рахметова қола медальді қанжығалады.

13 жастағы оқушы информатикадан республикалық олимпиаданың жеңімпазы атанды

Математика категориясында 8-сынып оқушысы Дәмелі Қазыбекқызы, 7-сынып оқушылары Жандәулет Амангелді және Сүлеймен Мергенбаев жүлделі қола медальға қол жеткізді.

Ақтаулық жас математиктер халықаралық олимпиадаға жолдама алды

Аталған нәтижелер «NURORDA» мектеп-лицейі оқушыларының ғылыми дайындық деңгейінің жоғары екенін және халықаралық білім кеңістігінде бәсекеге қабілеттілігін айқын көрсетеді.