Qazaq24.com, 24.KZ дереккөзінен алынған мәліметтерге сүйене отырып мәлімдеме жасады..
Үкімет басшысы Олжас Бектенов шетелдік инвесторлар кеңесінің аралық отырысын өткізді.
Жиында инвесторларды қолдау және Қазақстанда жоғары технологиялық өндірістерді бірлесіп қалыптастыру мәселелері қаралды. Ол үшін жасанды интеллект пен цифрлық шешімдерді кеңінен қолдану көзделген. Инвесторлар кеңесінде Премьер-министр шетелдік компаниялардың басшыларымен кездесті. Еуропалық қайта құру және даму банкінің Орталық Азия мен Моңғолия бойынша басқарушы директоры Хусейн Озхан Қазақстанмен арадағы стратегиялық басым салаларды сөз етті. Үкімет басшысы Beeline Kazakhstan холдингінің президенті Евгений Настрадинмен де кездесті. Тараптар цифрлық инфрақұрылымды одан әрі дамытуды талқыланды. Beeline Kazakhstan елде 11 млн-нан астам абонентке қызмет көрсетеді. Сондай-ақ кеңес аясында халықаралық қаржы институттарымен өзара іс-қимылдың жаңа форматы қаралды. Енді жұмысты Премьер-министрдің төрағалығымен Үйлестіру кеңесі реттейтін болады.
Хусейн Озхан, ЕҚДБ Орталық Азия мен Моңғолия бойынша басқарушы директоры:
- Еуропалық қайта құру және даму банкі Қазақстанмен инфрақұрылымдық, энергетикалық, «жасыл» және экологиялық жобаларды іске асыруда стратегиялық серіктес. Шетелдік инвесторлар кеңесі — елдің жоғары басшылығы тарапынан ең үлкен деңгейде қолдау көрсетілетін аса маңызды форум. Бұл Еуропалық қайта құру және даму банкіне, сондай-ақ барлық өзге инвесторларға ынтымақтастық мәселелерін тікелей талқылауға, соның ішінде барлық бағыттар бойынша сын-қатерлерді, мүмкіндіктер мен шешімдерді кеңінен қарастыруға жол ашады. Қазақстан халықаралық инвестициялар тұрғысынан, әсіресе Орталық Азияда, көшбасшы екенін көрсетіп тұр. Еуропалық қайта құру және даму банкі ұлттық экономиканың түрлі салаларына инвестиция салатын шетелдік инвесторлардың серіктесі екенін мақтан тұтады.