Qazaq24.com, Sputnik.KZ дереккөзінен алынған ақпаратқа сүйене отырып жаңалық таратты..
АСТАНА, 13 қаңтар – Sputnik. Қазақстанда өңдеу өнеркәсібі 2025 жылдың қорытындысы бойынша 6,4%-ға өсті, деп хабарлайды Өнеркәсіп және құрылыс министрлігі.
2025 жылдың қорытындысы бойынша негізгі өңдеу салаларында оң динамика байқалады, жалпы өсу қарқыны 106,4%-ды құрайды.
Атап айтқанда:
металлургиядағы өндіріс көлемі 1,2%-ға;
химиялық өнімдер 9,8%-ға;
машина жасау саласы өнімдері 12,9%-ға;
құрылыс материалдары 9,7%-ға;
жеңіл өнеркәсіп 13,2%-ға;
резеңке және пластмасса өндірісі 7,6%-ға өсті.
Ал құрылыс жұмыстарының физикалық көлем индексі 2025 жылы 2024 жылмен салыстырғанда 15,9%-ға өсіп, 10,7 трлн теңгеге жетті, бұл жоспарланған көрсеткіштен 0,9%-ға (+85,3 млрд теңге) асып түсті. Өсім елдің 19 аймағында байқалды.