Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратады..
Америкалық OpenAI корпорациясы өзінің ішкі моделі "мыңжылдық мәселелерінің" бірін шеше алғанын мәлімдеді. Сөз Навье – Стокс теңдеуі туралы болып отыр. Компанияның айтуынша, оның жасанды интеллект агенттері бұл тапсырманы 88 сағат ішінде орындаған, ал ғалымдар бұл теңдеудің шешімін 90 жылдан астам уақыт бойы іздеп келеді, деп хабарлайды Tengri Life РБК басылымына сілтеме жасап.
"Мыңжылдық мәселелері" (Millennium Prize Problems) – бұл жеті негізгі шешілмеген математикалық мәселе. Олардың әрқайсысын дәлелдегені немесе теріске шығарғаны үшін Кембридждегі Клэй математикалық институты бір миллион доллар сыйақы тағайындаған. Бұл тізім 2000 жылдың 24 мамырында Париждегі Коллеж де Франс отырысында таныстырылды.
Навье – Стокс үш теңдеуінің жүйесін 1822 және 1829 жылдары сәйкесінше француз физигі Анри Навье мен британдық математик Джордж Стокс құрастырған. Содан бері ғалымдар үш өлшемді Евклид кеңістігіндегі гидродинамика теңдеулерінің кез келген "тез сөнетін" бастапқы шарттар кезінде әрқашан шекті энергиясы бар жалғыз тегіс шешімі болатынын дәлелдеуге немесе теріске шығаруға тырысып келеді.
Бізді Google-дың негізгі дереккөздер тізіміне қосыңыз
Қосу