Inform.KZ парақшасынан алынған ақпаратқа сүйене отырып, Qazaq24.com хабарлама жасады..
Жаңартылған нормаларға сәйкес, министрліктің кадр қызметі білім беру басқармалары мен білім беру ұйымдарын марапаттауға ұсыныстар қабылдау мерзімдері мен квоталар туралы «Марапат» модулі арқылы (Ұлттық білім беру деректер базасының цифрлық жүйесінде) тиісті күннен немесе мерекеден кемінде 70 күнтізбелік күн бұрын хабардар етеді.
Білім беру ұйымдары меншік нысанына қарамастан педагогтарді, сала қызметкерлерін және білім беру саласының дамуына үлес қосқан тұлғаларды марапаттауға ұсыну құжаттарын жергілікті білім басқармаларына кемінде 50 күн бұрын жолдайды. Құжаттар пакетіне белгіленген үлгідегі ұсыныс пен марапаттау парағы кіреді.
Өз кезегінде, аудандық және қалалық білім бөлімдері ең жоғары балл жинаған үміткерлердің тізімін қалыптастырып, оларды марапаттау күніне дейін кемінде 40 күн бұрын облыстық деңгейге жібереді.
Бұдан кейін облыстардың, республикалық маңызы бар қалалардың және астананың білім басқармалары белгіленген квота шеңберінде қорытынды тізімдерді жасап, оларды министрлікке «Марапат» модулі арқылы кемінде 30 күнтізбелік күн бұрын жолдайды. Құжаттар тізіміне сондай-ақ белгіленген нысандағы ұсыныстар мен марапаттау парақтары кіреді.
Осындай мерзім министрліктің құрылымдық бөлімшелері, ведомстволық ұйымдары және аумақтық органдары үшін де белгіленген. Олар өздері жетекшілік ететін бағыттар бойынша үміткерлер тізімін қалыптастырып, кадр қызметіне жолдайды.
Техникалық ақаулар туындаған немесе жүйеге қолжетімділік болмаған жағдайда құжаттар электрондық құжат айналымы арқылы жіберілуі мүмкін.
Сонымен қатар, бұйрықпен педагогтар мен білім беру ұйымдары басшылары қызметінің тиімділігін бағалау рейтингісін жүргізу әдістемесіне де өзгерістер енгізілді.
Құжат 2026 жылғы 12 шілдеден бастап күшіне енеді.