Qazaq24.com, Aikyn.KZ дереккөзінен алынған ақпаратқа сүйене отырып жаңалық таратты..
11 қаңтарға қараған түні Орал қаласындағы көпбейінді ауруханада белгісіз бір ер адам медицина қызметкеріне шабуыл жасады, – деп хабарлайды Aikyn.kz сайты.
Бейнебақылау камерасындағы жазбаларға сәйкес, ер адам мен медицина қызметкерлері арасында жанжал туындаған. Алдымен жанжал сөз арқылы басталған. Кейін ер адам аурухана қызметкерлерінің бірін бірнеше рет итерген. Оқиға орнына дереу аурухананың басқа қызметкерлері келіп, әріптесіне көмек көрсетті.
Батыс Қазақстан облыстық полиция департаменті бұл жайт бойынша түсініктеме берді. Ведомствоның мәліметінше, шақырту аурухана тарапынан түскен. Оқиға орнына жеткен тәртіп сақшылары күдіктіні ұстады әрі полиция бөліміне жеткізді.
Аталған факті бойынша қылмыстық іс қозғалды. Полиция медицина қызметкеріне олардың қызметтік міндеттерін орындау кезінде күш қолдану заң алдында жауапкершілікке әкелетінін еске салды.