Tengrinews.KZ парақшасындағы ақпаратқа сәйкес, Qazaq24.com хабар таратты..
Оралда дәріханалардан тонометр ұрлады деген күдікпен 50 жастағы ер адам ұсталды. Полиция мәліметінше, ол қаладағы сауда орталықтарындағы бутиктерден киім де жымқырған болуы мүмкін, деп хабарлайды Tengrinews.kz тілшісі Polisia.kz сайтына сілтеме жасап.
Тонометрлер қалай жоғалды?
Полицияның мәліметінше, алғашқы жағдай Оралдағы дәріханалардың бірінде болған. Ер адам сатушының басқа сатып алушыға алаңдағанын күтіп, сөредегі тонометрді алып, байқатпай пакетіне салып қойған.
Осыдан кейін ол дәрі-дәрмектің ақысын төлеп, дәріханадан жайбарақат шығып кеткен. Кейінірек ер адам басқа дәріханаға кіріп, полицияның тұжырымы бойынша, дәл осындай тәсілмен тағы бір тонометрді ұрлаған.
Полиция қызметкерлері жедел-іздестіру шараларын жүргізіп, күдіктінің кім екенін анықтады. Ол Орал қаласының 50 жастағы тұрғыны болып шықты.
Полиция тағы нені анықтады?Тексеру барысында ер адамның бұған дейін қаладағы ірі сауда орталықтарындағы бутиктерге де барып, ол жерден де киім ұрлағаны белгілі болды.
Қазіргі уақытта аталған деректер бойынша тергеу жүріп жатыр. Тергеу мүддесіне сай басқа мәліметтер жария етілмейді.
Полиция дәріхана мен дүкен иелеріне, қызметкерлеріне тауарлар мен қымбат медициналық құрылғыларды қараусыз қалдырмауға және қауіпсіздік шараларын күшейтуге, оның ішінде бейнебақылау камераларын орнатуға кеңес берді.
Бізді Google-дың негізгі дереккөздер тізіміне қосыңыз
Қосу