Tengrinews.KZ парақшасынан алынған ақпаратқа сәйкес, Qazaq24.com хабарлайды..
Оралда көлік нөмірінің жақтауына балағат сөз жазған жүргізушіге ірі көлемде айыппұл салынды. Әкімшілік құқық бұзушылықтар жөніндегі мамандандырылған сот ер адамды ұсақ бұзақылық жасағаны үшін кінәлі деп таныды, деп хабарлайды Tengri Auto.
Істі қарау барысында жүргізуші тіркелмеген автокөлікті басқарғаны, ал оның мемлекеттік нөмірінің жақтауында былапыт сөз жазылғаны анықталған. Сотта зерттелген фотоматериалдар жазудың мазмұнын растады.
Фото: Батыс Қазақстан облыстық сотының баспасөз қызметі
Сот көлік құралының сыртқы бөлігіне мұндай сөздерді орналастыру оны көпшілікке, соның ішінде кәмелетке толмағандарға қолжетімді ететінін атап өтті. Қоғамдық орында балағат сөздерді қолдану жалпыға ортақ мінез-құлық, имандылық және әдептілік нормаларына қайшы келеді.
Жүргізушінің әрекеті ӘҚБтК-нің 434-бабының 1-бөлігі ("Ұсақ бұзақылық") бойынша сараланды. Сот қаулысымен оған 86 500 теңге көлемінде әкімшілік айыппұл салынды.
Айта кетейік, сот қаулысы әлі заңды күшіне енген жоқ.
Тағы оқыңыз: Видео үшін маневр жасаған: Шымкентте екі жүргізуші көлігінен айырылды
Бізді Google-дың негізгі дереккөздер тізіміне қосыңыз
Қосу