Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..
Фото: AL Jazeera
Иран Сыртқы істер министрінің орынбасары Казем Гарибабадидің айтуынша, Оман Ормұз бұғазын теңіз қатынасы үшін екі тең дәлізге бөлуді ұсынған. Алайда Тегеран бұл бастаманы қолдамай, кемелердің уақытша тек Иранның аумақтық сулары арқылы жүруі керек екенін алға тартқан.
Көп ұзамай КСИР Иорданиядағы АҚШ күштеріне бірнеше баллистикалық зымыран ұшырды. АҚШ Қарулы күштерінің Орталық қолбасшылығы (CENTCOM) барлық зымыранның әуеде жойылғанын мәлімдесе, Иордания әскері бес зымыранның тосқауыл қойылып, атып түсірілгенін хабарлады.
АҚШ пен Иранның уақытша бітімі мұнай бағасын 4%-ға төмендетті
КСИР шабуылдың «Наср-2» операциясы аясында жүзеге асырылғанын айтып, оның нысанасы Иорданиядағы CENTCOM штабы мен әуе базасы болғанын мәлімдеді. Сонымен қатар сақшылар корпусы бұғазда үш мұнай танкерін тоқтатып, тексергенін және стратегиялық су жолын толық бақылауда ұстап отырғанын хабарлады.
Fox News телеарнасына берген сұхбатында АҚШ президенті Дональд Трамп Вашингтонның Иранға жауап соққыларын қайтаратынын айтып, Тегеранға «қатаң сабақ берілетінін» жеткізді.
Еске сала кетейік, бұған дейін АҚШ пен Сауд Арабиясы Ирактың шығысындағы қарулы топтардың нысандарына бірлескен әуе соққыларын жасады. Вашингтонның мәліметінше, операция барысында Иранның нұсқауымен әрекет етеді делінген қарулы топтардың қару-жарақ қоймалары мен логистикалық нысандары нысанаға алынған.