Qazaq24.com, Egemen.KZ дереккөзінен алынған мәліметтерге сүйене отырып ақпарат жариялайды..
Астана мен Ташкент арасындағы экономикалық байланыс жаңа деңгейге көтеріліп келеді. Экспортты қолдау құралдарының кеңеюі Орталық Азиядағы ықпалдастыққа тың серпін бермекші, деп жазады Egemen.kz.
Орталық Азия кеңістігінде экономикалық байланыс күшейіп келеді. Соңғы келіссөздер мен қабылданған шешімдер екі ел арасындағы әріптестікті тек сауда көлемімен шектемей, қаржылық инфрақұрылым деңгейіне көтеруді көздейді. Бұл үрдіс өңірлік интеграцияның жаңа кезеңіне жол ашады.
Ташкентте өткен кездесулер осы бағыттағы нақты қадамдардың бірі болды. Экспорттық-кредиттік агенттік пен Даму банкі басшылығы Өзбекстанның жетекші қаржы институттарымен келіссөз жүргізіп, үшжақты меморандумдарға қол қойды. Құжаттар сауданы қаржыландыру, тәуекелдерді сақтандыру, банкаралық өзара іс-қимылды тереңдету секілді маңызды бағыттарды қамтиды.
Таңдалған бағыт кездейсоқ емес. Өзбекстан – сыртқы сауда құрылымындағы негізгі серіктестердің бірі. Кейінгі жылдардағы көрсеткіштер осы байланыс тұрақты өсімге ие екенін аңғартады. Өткен жылы экспорттаушыларға көрсетілген қолдау көлемі 300 миллион долларға жуықтаған. Биылғы алғашқы айлардың өзінде бұл көрсеткіш 26 миллион долларға жетті. Мұндай динамика қаржылық құралдардың тиімділігін көрсетеді.
Қазіргі кезде агенттік Өзбекстанның алты ірі банкімен жұмыс жүргізіп отыр. Бұл трансшекаралық сауда ағынының тұрақтылығын қамтамасыз етеді. Серіктес қаржы институттарына берілген жиынтық лимит 140 миллион доллар шамасында. Агенттік қолдауымен бір жыл ішінде ондаған экспорттық келісім жүзеге асқан. Нарыққа шыққан өнім түрлері де кең: азық-түлік, агроөнеркәсіп, металлургия, құрылыс материалдары, химия өнеркәсібі.
Экспортты ілгерілетуде негізгі тетік – даму институттарының өзара ықпалдастығы. Экспорттық-кредиттік агенттік тәуекелдерді сақтандыру мен кепілдік құралдарын ұсынса, Даму банкі қаржыландыру тетіктерін іске қосады. Нәтижесінде бизнеске толық циклді қолдау ұсынылады. Жобаны бастапқы кезеңде қорғау, кейін өндірісті қаржыландыру, соңында сыртқы нарыққа шығуды сүйемелдеу бар.
Қазақстан мен Өзбекстан депутаттары бірлескен жобалардың жүзеге асуын талқылады
«Қазақстанның экспорттық-кредиттік агенттігі» АҚ басқарма төрағасы Аллен Шәйжүнісов бұл бағыттағы ұстанымды нақтылады.
«Біз жобалар мен нарықтардың ерекшелігін ескере отырып, бәсекеге қабілетті ұсыныс білдіруге және мәмілелерді құрылымдау барысында икемді болуға дайынбыз. Бұл экспорттық операциялардың тұрақты дамуын қамтамасыз етеді», деді ол.
Мұндай тәсіл қаржылық құралдардың икемділігін арттырады. Әсіресе сыртқы нарықтағы тәуекел жоғары кезеңде бұл шешімдер бизнеске сенімді тірек болады. Келесі кезеңде серіктес банктерге арналған лимиттерді ұлғайту, қайта сақтандыру тетіктерін енгізу, экспорт құрылымын әртараптандыру мәселелері алдыңғы қатарға шығады.
Нарықта жұмыс істеп жүрген ірі компанияларға да ерекше назар аударылған. «BI Group», «RG Brands» секілді кәсіпорындар өңірлік жобалардың қозғаушы күшіне айналып отыр. Олардың қызметі жеткізілім тізбегін оңтайландырумен қатар, жаңа нарықтарға жол ашады.
Жалпы алғанда, қабылданған шешімдер жекелеген келісімдер деңгейінен жүйелі платформаға өтуді білдіреді. Бұл – уақытша жобалардан тұрақты экономикалық байланысқа көшу деген сөз. Мұндай модель тәуекелді азайтып, қаржыландыруға қолжетімділікті арттырады.
Екі ел арасындағы ықпалдастықтың тереңдеуі бүкіл өңірге әсер етеді. Сауда ауқымы кеңейіп, инвестициялық байланыс нығаяды. Ең бастысы – өндірістік кооперацияға жол ашылады. Бұл Орталық Азияны өзара тәуелді, біртұтас экономикалық кеңістікке айналдыруға бағытталған нақты қадамдардың бірі.
Соңғы жаңалықтар
Маңғыстауда жаппай мал қырылып жатыр: фермерлер өтемақы талап етті
Оқиға • Кеше
Шымкентте Nazira Gold ісі бойынша тағы бес адам сотталды
Қылмыс • Кеше
СҚО-да кәріз станциясын жөндеу кезінде екі жұмысшы қаза тапты
Оқиға • Кеше
Юлия Путинцева Мадрид турнирінің екінші кезеңіне өтті
Теннис • Кеше
Ақмола облысында жасөспірімдер спорт нысандарын бүлдіріп, жабдықтарды ұрлаған
Оқиға • Кеше
26 наурыз – Арал теңізі, Әмудария және Сырдарияның халықаралық күні болып бекітілді
Экология • Кеше
Астанада жазушы-этнограф Төрехан Майбастың кітабы таныстырылды
Оқиға • Кеше
Президент: Орталық Азияның су қауіпсіздігі – ортақ міндет
Президент • Кеше
Президент су саласына қатысты халықаралық конвенция қабылдауды ұсынды
Президент • Кеше
Тоқаев: Арал бассейніндегі экологиялық ахуал алаңдатарлық
Президент • Кеше
Президент Аралды құтқару қорының өңір үшін маңызын атап өтті
Президент • Кеше
Фонограммаға қатысты жаңа ереже күшіне енді
Мәдениет • Кеше
Қарағанды облысында қуаты 500 МВт болатын жел электр станциясы салынады
Аймақтар • Кеше
Жанәбіловтер ісі: прокуратура 4 жыл жаза сұрады
Қоғам • Кеше
Аралды құтқару қоры қатысушылары Ақордаға келді
Президент • Кеше