Qazaq24.com, Sputnik.KZ дереккөзінен алынған мәліметтерге сүйене отырып ақпарат бөліседі..
АСТАНА, 16 қазан – Sputnik. Өскеменде Экология департаменті ауаның ластануына қатысты тұрғындардан түскен шағым бойынша "Қазцинк" ЖШС басқаратын металлургиялық кешеннің құрамдас бөлігі — Өскемен металлургиялық алаңында жоспардан тыс тексеруді аяқтады.
"Зертханалық талдау нәтижелері атмосфералық ауаға шығарылған ластаушы заттардың мөлшері белгіленген нормативтік шектерден асып түскенін растады", - деп жазды департамент.
Анықталған бұзушылықтар кейбір газ тазарту қондырғыларының дұрыс жұмыс істемеуімен байланысты екендігін көрсеткен.
Тексеру нәтижесінде заңды тұлға әкімшілік жауапкершілікке тартылды.
Сонымен қатар, Департамент анықталған бұзушылықтарды жоюды, жабдықтардың дұрыс жұмыс істеуін қамтамасыз етуді және газ тазарту жүйелерін жобада көрсетілген тиімділікке дейін қалпына келтіруді талап ететін міндетті нұсқаулар шығарды.