Отандық дәрі дәрмек үлесі шамамен 40 пайызға жетті

Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..

Елімізде өндірілетін дәрі-дәрмек көлемі артып келеді. Денсаулық сақтау министрлігінің мәліметінше, 2025 жылдың қорытындысы бойынша фармацевтикалық өнім өндірісінің көлемі 191,1 млрд теңгеге жеткен. Бұл көрсеткіш 2024 жылмен салыстырғанда 8,7 пайызға жоғары, деп хабарлайды Egemen.kz.

Фото: Ашық дереккөз

Денсаулық сақтау вице-министрі Тимур Мұратов фармацевтика саласына тартылған инвестиция көлемі 142,8 млн долларға жеткенін айтты. Сондай-ақ отандық фармацевтикалық өнім экспорты 84 млн долларға дейін өскен.

Қазіргі таңда Қазақстанда 209 отандық тауар өндіруші тіркелген. Оның ішінде 43 кәсіпорын дәрі-дәрмек шығарса, 166 компания медициналық бұйымдар өндіреді.

Министрліктің дерегіне сәйкес, отандық өндірушілердің үлесі табиғи көлемде 39,8 пайызға жеткен. Бұл көрсеткіш дәрілік заттарды таңбалау және қадағалау жүйесінің мәліметтері арқылы расталған.

Отандық фармацевтика өндірісінің өсуі елдің дәрі-дәрмек қауіпсіздігін күшейтіп, импортқа тәуелділікті азайтуға мүмкіндік береді.

Еске салайық, Үкімет Қарағанды облысында 74 түрлі дәрілік зат шығаратын фармацевтикалық зауыт салу жобасын мақұлдады.

Денсаулық сақтау министрлігі мен «Химфарм» АҚ арасында халықты қолжетімді дәрі-дәрмекпен қамту және отандық өндірістің үлесін арттыруға бағытталған инвестициялық келісім аясында Шымкент фармацевтикасына 39,5 млрд теңге инвестиция құйылады.

Соңғы жаңалықтар

Бүгін 1 долларды қанша теңгеге сатып алуға болады?

Қаржы • Бүгін, 08:54

Анчелотти Неймарды әлем чемпионатына баратын құрамға қосты

Футбол • Бүгін, 08:24

Жаңбыр жауып, жел күшейеді: 19 мамырға арналған ауа райы болжамы

Ауа райы • Бүгін, 08:13

Адамға ұқсас роботтарды дамыту: Оңтүстік Корея ауқымды жобаны іске қосты

Әлем • Бүгін, 08:00

Иран өлім жазасына кесу бойынша әлемде бірінші орында

Әлем • Бүгін, 00:35

Жамбыл облысында жоғалып кеткен азамат дронның көмегімен табылды