Qazaq24.com, Egemen.KZ дереккөзінен алынған ақпаратқа сүйене отырып мәлімет бөліседі..
Д.Серікбаев атындағы Шығыс Қазақстан техникалық университеті Horizon Europe бағдарламасының конкурстық іріктеуінде жеңіске жетті. Аталған бағдарлама – Еуропалық Одақтың ең ірі әрі жоғары бәсекеге қабілетті ғылыми-зерттеу және инновациялық құралы саналады, деп хабарлайды Egemen.kz.
Фото: Ғылым және жоғары білім министрлігінің баспасөз қызметі
Титан, бериллий ресурстары зерттеледі
Университет TiBeRIUM (Titanium and Beryllium for European Resilience and Innovative Utilization of Minerals) халықаралық жобасының қатысушылары қатарына енді.
TiBeRIUM жобасы сыни маңызы бар шикізатты жеткізудің орнықты тізбектерін қалыптастыруға және озық «жасыл» өңдеу технологияларын енгізуге бағытталған. Қазақстан мен Өзбекстанда алғаш рет осындай форматта титан мен бериллий ресурстары кешенді түрде зерттелмек. Аталған металдар Еуропалық Одақтың сыни маңызы бар материалдар тізіміне енгізілген және жоғары технологиялардың дамуына, өнеркәсіптік тұрақтылық пен технологиялық егемендікке тікелей әсер етеді.
Жоба – 25 серіктестікті біріктіреді
Жоба консорциумы Германия, Грекия, Кипр, Ұлыбритания, Норвегия, Испания, Польша, Бельгия, Болгария, Финляндия, Қазақстан, Өзбекстан елдерінен 25 серіктестікті біріктіреді. Жобаның үйлестірушісі – Германиядағы Фрайберг тау-кен академиясы техникалық университеті. Қазақстан тарапынан жобаға Д.Серікбаев атындағы Шығыс Қазақстан техникалық университеті, «Tenir Group» ЖШС және «Үлбі металлургиялық зауыты» АҚ қатысып жатыр.
Аталған жоба шеңберінде Қазақстан шикізат жеткізуші ретінде ғана емес, ғылыми зерттеулер, технологиялық әзірлемелер және экологиялық тұрғыдан тиімді қайта өңдеу бағыттары бойынша толыққанды әріптес ретінде қатысады. Бұл – «өндіру – экспорттау» моделінен «ғылым – технология – кадрлар – қосылған құн» моделіне көшу жолындағы нақты қадам.
Отандық ғылым әлемдік деңгейде бәсекеге қабілетті
TiBeRIUM жобасына қатысу озық халықаралық технологиялардың трансферін, қолданбалы ғылымды және әлемдік деңгейдегі инженерлік құзыреттерді дамытуды, зерттеушілер мен инженерлердің жаңа буынын даярлауды, Қазақстанның сыни маңызы бар материалдардың жаһандық жеткізу тізбектеріндегі рөлін күшейтуді көздейді.
Университет өкілдерінің айтуынша, Horizon Europe бағдарламасы шеңберіндегі бәсекелестік өте жоғары, зерттеулердің сапасына және жобаларды басқаруға қойылатын талаптар қатаң, әрі географиялық артықшылықтар қарастырылмайды. Отандық университеттің осы іріктеуден өтуі отандық ғылымның әлемдік деңгейде бәсекеге қабілетті екенін айқын көрсетеді.
Соңғы жаңалықтар
Жолда қалып қойған жолаушы құтқарылды
Оқиға • Бүгін, 09:02
Жаңғырудың ғылыми өзегі: Президент сұхбаты және Ұлттық ғылым академиясының институционалдық рөлі
Пікір • Бүгін, 09:00
Елдік мақсаттың айқын межелері
Пікір • Бүгін, 08:55
ЖИ саласында көшбасшы болуға мүмкіндігіміз бар
Пікір • Бүгін, 08:53
Стратегиялық дамудың бедерлі белесі
Пікір • Бүгін, 08:50
Пікір • Бүгін, 08:48
Мұнай өңдеу зауытындағы жаңашылдық
Экономика • Бүгін, 08:45
Пікір • Бүгін, 08:43
Қаржы нарығы: доллар бағамы қандай болмақ?
Экономика • Бүгін, 08:40
Саясат • Бүгін, 08:38
Талдау мектебіне қатысушылар анықталды
Саясат • Бүгін, 08:35
Кәсіпкерлерге «Халық бухгалтері» көмектеседі
Қоғам • Бүгін, 08:33
Цифрландыру және жасанды интеллект жылы
Жасанды интеллект • Бүгін, 08:30
Мәдениет қайраткерлеріне – мемлекеттік стипендия
Қоғам • Бүгін, 08:28
Стоматология жұмысын жүйелеген
Жоба • Бүгін, 08:25