Qazaq24.com, 7kun.KZ дереккөзінен алынған мәліметтерге сүйене отырып мәлімдеме жасады..
Отбасы банк географиясын кеңейтіп, Өзбекстан, Малайзия және Таяу Шығыс елдерінің нарығына шығу мүмкіндігін қарастырып жатыр.
Бұл туралы Bloomberg агенттігі «Бәйтерек» холдингінің басқарма төрағасының орынбасары Тимур Онжановтың сөзіне сілтеме жасап хабарлады.
Оның айтуынша, банк қызмет бағытын түбегейлі өзгертіп, «арнайы өнімдер кредиторы» форматына көшуі мүмкін. Яғни алдағы уақытта тек ипотекалық несиемен шектелмей, исламдық қаржыландыру мен лизингті де дамытпақ. Сонымен қатар холдинг басшылығы тұрғын үй бағыты бойынша IPO өткізу мүмкіндігін де жоққа шығармайды.
Бұл өзгерістер «Бәйтерек» холдингінің ауқымды трансформациясының бір бөлігі болмақ. Тимур Онжановтың айтуынша, жаңа стратегия аясында холдинг енді тек субсидия мен құралдарды таратумен шектелмей, жобаларды талдау, қаржылық аудит жүргізу және мәмілелерді құрылымдауға тікелей қатысады. Барлық процесс – бастаманы іздеуден бастап оны толық іске асыруға дейін холдинг ішінде жүзеге асырылмақ.