Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратады..
Президент Қасым-Жомарт Тоқаев Қазақстандағы бұралқы жануарларға қатысты жағдай туралы пікір білдіріп, бұл тақырыпты саудаға салмауға және оны қоғамның жікке бөлінуіне себеп қылмауға шақырды. Мәселе салмақты тәсілді, қоғамдық бақылауды және жануарларға қатыгездік көрсеткені үшін жауапкершілікті күшейтуді талап етеді, - деп хабарлайды Tengrinews.kz тілшісі Ақордаға сілтеме жасап.
Президент Қасым-Жомарт Тоқаев Қазақстандағы бұралқы жануарларға қатысты жағдай туралы пікір білдіріп, бұл тақырыпты саудаға салмауға және оны қоғамның жікке бөлінуіне себеп қылмауға шақырды. Мәселе салмақты тәсілді, қоғамдық бақылауды және жануарларға қатыгездік көрсеткені үшін жауапкершілікті күшейтуді талап етеді, - деп хабарлайды Tengrinews.kz тілшісі Ақордаға сілтеме жасап.
Мемлекет басшысының айтуынша, иесіз жануарлар мәселесі көп жағдайда адамдардың жауапсыздығынан туындап отыр, ал үй жануарларына қатыгездік көрсету жағдайлары мемлекет тарапынан қатаң шараларды қажет етеді.
"Үй жануарларының адамдардан қорлық көруіне жол бермеу керек. Үкімет үй жануарларын дұрыс күтіп-баптамағандарға берілетін әкімшілік жауапкершілікті қатаңдатып, ал оларға қатыгездік көрсеткендерге кесілетін қылмыстық жазаны күшейтуі керек. Негізі, қаңғыбас иттер проблемасына азаматтардың немқұрайлылығы себеп: яғни олар бастапқыда жануарларға ықыласы ауып асырағанымен, кейіннен көңілдері қалып, керексіз заттай көшеге тастап кетіп жатады. Мұндай келеңсіздіктердің алдын алу қажет"
Президент ешқандай "хайпқа" жол бермей, мамандандырылған жануарлар орталықтарының қызметіне қоғамдық бақылау қойған жөн екенін, ал иесіз жануарлар тақырыбы қоғамды қарсыластар мен жақтаушыларға бөлмеуі керектігін атап өтті.
"Ешқандай "хайпқа" жол бермей, мамандандырылған жануарлар орталықтарының қызметіне қоғамдық бақылау қойған жөн. Бұл іске сіздер де үлес қосасыздар деп ойлаймын. Жалпы, қаңғыбас иттерге қамқорлықпен қарау қоғамның арасына сына қақпауға тиіс. Өңірлерден алған ақпаратқа сәйкес, балалар, тіпті, ересектер жабайы иттерден жиі зардап шегуде. Басты мәселе – осы", – деді Президент.
Тоқаев бұл жағдайға мемлекеттің, қоғамның және Парламенттің, соның ішінде заңнамалық деңгейде араласуы қажет екенін атап өтті. Бұл ретте, оның айтуынша, жануарларды қорлау жағдайларына қатаң құқықтық баға берілуі тиіс.
"Сондықтан бұл проблемаға мемлекет пен жұртшылықтың, нақты айтқанда, заң шығару тұрғысынан Парламенттің араласпасына болмайды. Бірақ біз қорғансыз жануарларды жәбірлеген фактілерге де бей-жай қарамауымыз керек, атап айтқанда, үй жануарларын азаптағандарды қылмыстық жауапкершілікке тартқан дұрыс. Осындай тәсілдер қоршаған ортаға озық әрі жауапты көзқарас қалыптастырады деп ойлаймын. Бұл да "Таза Қазақстан" аясында атқарылуға тиіс істің бірі", – деді Президент.