Qazaq24.com, 24.KZ дереккөзінен алынған мәліметтерге сүйене отырып жаңалық жариялады..
Екібастұз қалалық сотында «Майқайыңалтын» кеніші қызметкерлерінің қазасына қатысты сот үкімі шықты. Алты адам атап айтқанда компанияның бас директоры, бірінші орынбасары, шахта директоры, бас инженер және екі учаске басшысы — абайсызда бір немесе бірнеше адамның өліміне әкеп соқтырған қауіпсіздік ережелерін бұзғаны үшін айыпталды.
Бес адамға 3-тен 4 жылға дейін бас бостандығынан айыру жазасы тағайындалды. Ең ұзақ мерзім кәсіпорынның бұрынғы бас директорына берілді. Тағы бір айыпталушы, 75 жастағы бұрынғы Майқайың жер асты кенішінің директоры үш жылға бас бостандығын шектеу жазасын алды. Үкім заңды күшіне енген жоқ.
Естеріңізге сала кетейік, 2024 жылдың 4 қаңтарына қараған түні «Майқайыңалтын» кенішінің маңында жер опырылып, апаттық құтқару қызметінің автобусы шұңқырға құлап, көлікте болған төрт құтқарушы қаза тапқан еді.