Sputnik.KZ парақшасынан алынған ақпаратқа сүйене отырып, Qazaq24.com хабарлама жасады..
АСТАНА, 16 маусым – Sputnik. Павлодар облысында мас күйінде туған қызын өлтірген ер адам өмір бойына сотталды.
Ер адамға қатысты кәмелетке толмаған баланы дәрменсіз күйде азаптап, жас баланы аса қатыгездікпен өлтірді деген айыптау бойынша қылмыстық іс Павлодар облысының қылмыстық істер жөніндегі мамандандырылған ауданаралық сотында қаралды.
Сотпен анықталғандай, жас баланың әкесі ұзақ уақыт бойы зорлық-зомбылық көрсету арқылы оған жүйелі түрде дене жарақатын салған. Ол 2025 жылдың қыркүйек айында масаң күйде болып аса қатыгездікпен баланы өлтірген.
Сотталушының кінәсі жәбірленушінің, куәлардың айғақтарымен, сараптама қорытындыларымен және қылмыстық істің басқа да материалдарымен дәлелденді.
"Қылмыстық құқық бұзушылықтардың жиынтығы бойынша ер адамға өмір бойына бас бостандығынан айыру жазасы тағайындалды. Ол жазасын қылмыстық-атқару жүйесінің төтенше қауіпсіз мекемелерінде өтейді ", - деп жазылған хабарламада.
Жәбірленушінің 5 млн теңге көлемінде моральдық шығын өндіру туралы азаматтық талап қоюы толығымен қанағаттандырылды.
Үкім заңды күшіне енген жоқ.