Qazaq24.com, Sputnik.KZ дереккөзінен алынған мәліметтерге сүйене отырып түсініктеме береді..
АСТАНА, 11 қаңтар – Sputnik. Словакия президенті Петер Пеллегрини бұған дейін Украинаға тек гуманитарлық көмек көрсетіп, өз әскерін жібермейтінін айтқан ел премьер-министрі Роберт Фицоның ұстанымын қолдады.
Фицо қаңтардың басында өзі үкімет басында тұрған кезде бірде-бір словак сарбазы Украинаға жіберілмейтінін мәлімдеген болатын. Оның пікірінше, Еуропалық одақтың қаржысы Украинаны күшейтпейді, керісінше қантөгістің жалғасуына алып келеді. Сондай-ақ Фицо Словакия Украинаға тек гуманитарлық сипаттағы көмек көрсететінін айтқан.
"Мен премьер-министрдің Словакия бітімге келген немесе қауіпсіздікке қатысты белгілі бір кепілдіктер берілген жағдайда да Украинаға ешқашан әскер жібермейтіні және әскери көмек көрсетпейтіні жөніндегі сөзін толық қолдаймын әрі келісемін", – деді Пеллегрини сенбі күні парламент төрағасымен және премьер-министрмен өткен кездесуден кейін БАҚ өкілдеріне жасаған мәлімдемесінде.
Кездесу Словакия мемлекет басшысының әлеуметтік желідегі ресми парақшасында тікелей эфирде көрсетілді.
Сонымен қатар ол Словакияның Еуропалық одақ тарапынан Украинаға берілетін несиеге кепіл болуына да қарсы екенін айтып, премьердің бұл ұстанымымен де келісетінін жеткізді.