Egemen.KZ парақшасынан алынған ақпаратқа сүйене отырып, Qazaq24.com хабарлама жасады..
Оқыс оқиға – Жамбыл облысы аумағындағы Меркі ауданының Тәтті станциясында (Шу-Тараз учаскесі) 14 қарашада түнгі уақытта болған, деп жазады Egemen.kz.
Фото: Видеоскрин
Күзетілмейтін теміржол өткелінде тыйым салынған сигналды елемеген Lada Niva көлігінің жүргізушісі өтіп бара жатқан «Алматы-Шымкент» бағытындағы жолаушылар пойызының орта бөлігіндегі вагонға соқтығысқан.
Ешкім зардап шекпеген. Жүргізушінің кім екені анықталып, тексеріс жүргізіліп жатыр.
«Жолаушылар тасымалы» АҚ-ның баспасөз қызметінің мәлімдеуінше, пойыз бағыты бойынша жолын жалғастырған. Шымкент станциясында вагондарға техникалық тексеріс жүргізілген, қозғалыс қауіпсіздігіне әсер ететін ақаулар анықталмаған.