Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..

Шымкент қаласының Полиция департаменті өткен жылғы жұмыстарын қорытындылады. Алдағы күнге жоспарларын белгіледі.

Кеңеске Ішкі істер министрінің орынбасары Игорь Лепеха төрағалық етті, деп хабарлайды Egemen.kz.

Жиын аясында қоғамдық тәртіпті қамтамасыз ету мен профилактикалық жұмыстың тиімділігін арттыруға бағытталған кешенді шаралар баяндалды.

Соның нәтижесінде тіркелген қылмыстардың саны азайып, олардың ашылу деңгейі артқан.

Атап айтқанда, қоғамдық орындарда жасалған қылмыстар 20%, көшелердегі қылмыстар 24% төмендеген.

Ал жол-көлік оқиғалары салдарынан болатын өлім деңгейі 25% кеміген.

Құқық бұзушылықтардың алдын алу мақсатында патрульдеу бағыттары қайта қаралып, жаяу патрульдер саны артты.