7kun.KZ парақшасындағы деректерге сәйкес, Qazaq24.com ақпарат таратты..
Талдықорған қаласының прокуратурасы интернет-алаяқтардың әрекетінен зардап шеккен азаматқа 850 мың теңгені толық қайтарып берді.
Бұл туралы ведомствоның баспасөз қызметі хабарлады.
Қылмыстық іс аясында Ұлттық банктің «Антифрод-орталығы» платформасы арқылы ұрланған қаражат түскен шоттар жедел анықталып, бұғатталған. Соның нәтижесінде күдіктілердің есепшоттарындағы ақша заңды иесіне қайтарылды.
Прокуратура өкілдері киберқылмыстармен күресте уақыттың шешуші рөл атқаратынын атап өтіп, азаматтарды алаяқтыққа тап болған жағдайда құқық қорғау органдарына дереу жүгінуге шақырды.