Sputnik.KZ парақшасынан алынған ақпаратқа сәйкес, Qazaq24.com хабарлайды..
АСТАНА, 30 қаңтар - Sputnik. Ауыл шаруашылығы министрлігі жерлерді қайта бөлу жоспарын әзірледі.
Қайта айналымға енгізілмеген аумақтар экономикалық айналымға жедел түрде тартылады. Сонымен қатар жергілікті атқарушы органдарға жерлерді қайта бөлу кезінде жергілікті халықтың жайылымдық қажеттіліктерін ескеру туралы нақты нұсқау берілді.
Министрлік мәліметінше, 2026 жылдың 1 қаңтарындағы жағдай бойынша қайтарылған 8,5 млн гектар жер қайта бөлінді. Оның ішінде, 2,8 млн гектар жергілікті халықтың мал жаюы үшін ортақ пайдалануға берілді.
"5,7 млн гектар конкурстық негізде ауыл шаруашылығы өндірісі субъектілеріне табысталды. Бұл ретте 2026 жылдың ортасына дейін қалған 5,1 млн гектар жерді тұрақты айналымға тарту жоспарда бар", - деді жер ресурстарын басқару комитетінің төрағасы Мұрат Теміржанов.
Жерлерді қайтару және халықты жайылымдық жерлермен қамтамасыз ету жөніндегі жұмыс жалғасады, дейді ведомствода.