Sputnik.KZ парақшасынан алынған деректерге сүйене отырып, Qazaq24.com мәлімдеме жасады..
АЛМАТЫ, 14 қараша - Sputnik. Қарағандыда кәсіпкерді қорқытып, 700 мың доллар талап еткен күдікті ұсталды, деп хабарлайды облыстық полиция департаменті.
Қарағандыда 47 жастағы кәсіпкер белгісіз адамдардан қысым көргенін айтып шағымданған.
Оның айтуынша, бопсалаушылар оны және отбасы мүшелерін қорқытып, мүлкін зақымдап, 700 мың АҚШ долларын талап еткен.
"Бұл факті бойынша қылмыстық іс қозғалды. Жедел-іздестіру шараларының нәтижесінде 30 жастағы күдікті анықталып, ұсталды. Ол уақытша ұстау изоляторына қамалды", - дейді ведомство.
Қазіргі кезде тергеу амалдары жүріп жатыр.