Qazaq24.com, Sputnik.KZ дереккөзінен алынған мәліметтерге сүйене отырып түсініктеме береді..
АСТАНА, 18 маусым – Sputnik. Қаржы министрі Мәди Такиев бюджетке қыруар қаржының не себепті түспегенін айтты, деп хабарлайды Sputnik Қазақстан тілшісі.
Былтыр республикалық бюджетке 21,4 трлн теңге түскен. Бірақ қосымша 336 млрд теңгенің жоспары орындалмай қалды.
"Оған келесі бірнеше объективті фактор әсер етті. Біріншіден, мұнайдың орташа бағамы 75 доллардан 69 долларға дейін түсті. Екіншіден, экспорт көлемінің 1,7 млрд АҚШ долларына төмендеу, үшіншіден, геосаяси жағдай мен 134 ірі кәсіпорыннан түсетін салық төлемдерінің 709 млрд теңгеге немесе 36% төмендеуі әсер етті", - деді Такиев сенаттың бүгінгі отырысында.
Министрдің айтуынша, жоспар толық орындалмаса да, республикалық бюджеттің меншікті кірістері 2024 жылмен салыстырғанда 1,8 трлн теңгеге өскен. Салықтық түсімдер 2,2 трлн теңгеге немесе 17,5%-ке артты. Соның ішінде, корпоративтік табыс салығы бойынша түсімдер 880 млрд теңгеге немесе 24%-ға көбейген.
"Қосылған құн салығы бойынша өсім, 932,5 млрд теңгені немесе 18%-ды құрады. Сондай-ақ, камералдық бақылаудың тиімділігі де жақсарды. Соның нәтижесінде бюджетке 388 млрд теңге өндіріліп алынды", - деді Такиев.