Qazaq24.com, Aikyn.KZ дереккөзінен алынған ақпаратқа сүйене отырып жаңалық таратады..
Танымал әнші Бүркіт адамдардың мінез-құлқындағы өзгерістерге алаңдайтынын жеткізді, – деп хабарлайды Aikyn.kz сайты.
Әншінің айтуынша, соңғы уақытта қоғамда ашушаңдық пен шыдамсыздық көбейіп кеткен.
Оның сөзінше, адамдар бір-біріне деген құрметті жоғалта бастаған. Ол тіпті қарапайым тұрмыстық жағдайлардың өзінде сабыр сақтай алмайтындар көбейгенін мысал етті.
«Қазір көлігінді тұраққа қойып жатқанын өзіңде, 10-15 секунд күте алмай, қатты сигнал беріп, адамды шошытады.Бір нәрсе болып қалды ма екен деп қарасам сосын маған неше түрлі балағат сөз айтып, жауыңдай көреді»,-деді Бүркіт.
Өнер иесі адамдарды сабырлы болуға, бір-біріне түсіністік пен құрмет көрсетуге шақырды. Оның айтуынша, мейірім мен адамгершілік қоғам үшін аса маңызды құндылықтар.
«Бір-бірімізге сәл шыдамдылық танытып, сабырлы болып, мейірімді болайық. Құрмет көрсетейік», — деп түйіндеді әнші.