Qazaq24.com, 7kun.KZ дереккөзінен алынған мәліметтерге сүйене отырып мәлімдеме жасады..
Жетісу облысындағы QazaqGaz Aimaq АҚ өндірістік филиалының директоры Айбек Ерғалиға қатысты сотқа дейінгі тергеу жүргізіліп жатыр. Бұл туралы Ұлттық қауіпсіздік комитеті мәлімдеді.
Бұған дейін әлеуметтік желілер мен кейбір БАҚ-та оның ұсталғаны жөнінде ақпарат тараған. Алайда ҰҚК бұл мәліметті растаған да, жоққа шығарған да жоқ.
Комитеттің хабарлауынша, ҚР Қылмыстық-процестік кодексінің 201-бабының 1-бөлігіне сәйкес сотқа дейінгі тергеу барысына қатысты өзге ақпарат жарияланбайды.
Айта кетейік, 21 қаңтарда Айбек Ерғали қызмет орнында болып, газ бағасын қалыптастыру және төлем есептеу тәртібі бойынша брифинг өткізген.
QazaqGaz Aimaq – QazaqGaz ұлттық компаниясының еншілес ұйымы әрі елдегі ірі газбен жабдықтау операторларының бірі.