Qazaq24.com, Sputnik.KZ дереккөзінен алынған ақпаратқа сүйене отырып жаңалық таратты..
АСТАНА, 13 қаңтар - Sputnik. 10 қаңтарда Қазақстанның әуесінде екі бірдей жолаушылар ұшағы апатқа ұшырай жаздады, деп хабарлайды көлік министрлігі.
"Uzbekistan Airways" әуе компаниясының Airbus 320 uk32028 және "Победа"әуе компаниясының Boeing 737-800 RA73238 әуе кемелері апатқа ұшырай жаздады.
Оқиға 10 қаңтар сағат 05:42 шамасында Шымкент аудандық диспетчерлік орталығының А2И секторының жауапкершілік аймағында болған.
Оқыс жағдай "Победа" әуе компаниясының "Внуково – Самарқанд" рейсіне және "Uzbekistan Airways" әуе компаниясының "Термез – Мәскеу" бағыты бойынша UZB9609 рейсіне қызмет көрсету кезінде болды.
"Азаматтық және эксперименттік авиациядағы авиациялық оқиғалардың деректерін ұсыну және тергеп-тексеру қағидаларының 25-қосымшасының 1-тармағына сәйкес бұл авиациялық оқиға елеулі авиациялық оқиға ретінде жіктелді", - министрлікте.
Көлік министрлігі ауыр авиациялық оқиғаны тергеу жөніндегі комиссия құрады.
Комиссияны тағайындау туралы бұйрық шығарылған сәттен бастап тергеп-тексеру мерзімі, егер қосымша зерттеулер мен жұмыстар жүргізу талап етілмесе, әдетте, үш айдан аспайды.