Inform.KZ парақшасынан алынған ақпаратқа сүйене отырып, Qazaq24.com хабарлама жасады..
Комитеттің мәліметінше, ғылыми бағдарлама жан-жақты пысықталып, сұранысқа ие болған жағдайда, оны ғарыш кемесінің бортында тек қазақстандық ғарышкерлер ғана емес, халықаралық экипаж мүшелері де жүзеге асыра алады. Мұндай зерттеулер серіктес елдермен ынтымақтастық аясында жүргізіледі.
Сонымен қатар комитет отандық мамандарды даярлау негізгі басымдық болып қала беретінін атап өтті.
– Басымдық отандық мамандарды даярлауға беріледі. Бұл ұлттық құзыретті дамыту, кадрлық әлеуетті нығайту және елдің халықаралық беделін арттыру үшін маңызды, - деп мәлімдеді комитет.
Айта кетейік, бұған дейін Қазақстанның жаңа ғарыш бағдарламасы халықаралық тәжірибені ескере отырып әзірленіп жатқаны хабарланған болатын. Қазіргі уақытта ғарыштағы ғылыми зерттеулер мен тәжірибелердің алтыншы бағдарламасының жобасы пысықталып жатыр.