Qazaq24.com, Sputnik.KZ дереккөзінен алынған мәліметтерге сүйене отырып мәлімдеме жасады..
АСТАНА, 2 сәуір – Sputnik. Ауыл шаруашылығы министрі Айдарбек Сапаров Еуразиялық экономикалық комиссияның өнеркәсіп және агроөнеркәсіптік кешен жөніндегі министрі Гоар Барсегянмен кездесті.
© министерство сельского хозяйства КазахстанаАйдарбек Сапаров пен Гоар Барсегян кездесті
Айдарбек Сапаров пен Гоар Барсегян кездесті
© министерство сельского хозяйства Казахстана
Кездесу барысында Айдарбек Сапаров Қазақстанның Еуразиялық экономикалық одаққа мүше елдермен тұрақты сауда және өндірістік байланыстарын нығайту ерекше маңызды екенін атап өтті.
"Бүгінгі таңда агроөнеркәсіптік кешен, өнеркәсіп және цифрландыру сияқты басым бағыттар бойынша ауқымды өзара іс-қимыл нысандарын дамытуға арналған кешенді жұмыс жүргізілуде. Біз өзара сауданы нығайтып қана қоймай, бірлескен инвестициялық жобаларды іске асыруға мүмкіндік беретін тиімді ынтымақтастық тетіктерін қалыптастыруды мақсат етеміз", — деді министр.
Ал Гоар Барсегян салалық органдар арасында сындарлы және достық қарым-қатынас қалыптасқанын атап өтті. Оның айтуынша, келесі кезеңде негізгі бағыттар мен жобаларды айқындап, өзара жұмыстың нақты тетіктерін әзірлеу қажет.
Келіссөздер барысында Еуразиялық экономикалық одақтың бюджеті есебінен бірлескен жобаларды қаржылай қолдау жолдары талқыланды. Сондай-ақ Еуразиялық экономикалық одақтың агроөнеркәсіптік саясат жөніндегі кеңесінің отырысына дайындық мәселелері қаралды.