Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АСТАНА, 15 сәуір – Sputnik. Жоғарғы сот төрағасы Асламбек Мерғалиевтің басшылығымен Қазақстан делегациясы Мәскеуге барды.
Жұмыс сапары Ресей Федерациясы жоғарғы мотының төрағасы Игорь Красновтың шақыруымен өтіп жатыр. Бағдарлама аясында бірқатар жұмыс кездесулері мен соттарға бару жоспарланған.
Алғашқы күні Қазақстан мен Ресей Жоғарғы соттарының төрағалары кездесу өткізіп, оның барысында сот төрелігінің өзекті мәселелері талқыланды.
Мерғалиев ТМД, ЕАЭО және ШЫҰ аясында екі елдің сот жүйелері арасындағы ынтымақтастықтың одан әрі нығаятынына сенім білдірді. Ал Краснов Қазақстан тәжірибесін зерделеуге қызығушылық танытты.
"Қол жеткізілген келісімдерді бекіту мақсатында А.Мерғалиев пен И.Краснов сот практикасымен алмасу, сот әкімшілігін дамыту және заманауи технологияларды енгізу салаларындағы ынтымақтастықты кеңейтуге бағытталған келісімге қол қойды", - деп хабарлады Қазақстан Жоғарғы соты.
Делегация сондай-ақ Ресей Федерациясы Жоғарғы сотының жұмысымен және ғимараттың сәулетімен танысты.