Tengrinews.KZ парақшасынан алынған деректерге сүйене отырып, Qazaq24.com жаңалық жариялайды..
Қазақстан "Достық" мұнай құбыры арқылы мұнай тасымалын қайта бастау үшін Ресейге ресми сауал жолдады, қазір ресейлік тараптың жауабын күтіп отыр, деп хабарлайды Tengrinews.kz тілшісі.
Энергетика министрі Ерлан Ақкенженовтің айтуынша, мұнай тасымалдауға техникалық мүмкіндік бар. Алайда жеткізілім қашан қайта басталатыны әзірге белгісіз.
"Мерзімін жауап алғаннан кейін айтуға болады", - деді ол.
Мұнай өндіру көлеміне қатысты сұраққа жауап берген Ақкенженов Қазақстан әзірге жоспардан ауытқымағанын айтты. Биыл 96 миллион тонна мұнай өндіру көзделген.
2027 жылға арналған көрсеткіш әлі нақтыланып жатыр. Дегенмен министр келесі жылы мұнай өндіру көлемі шамамен 99 миллион тоннаға жетеді деп болжанып отырғанын айтты.
Мән-жай2026 жылғы қаңтар-қыркүйекте Қазақстанда 69,4 миллион тонна мұнай өндірілді. Бұл былтырғы сәйкес кезеңмен салыстырғанда 8,3 пайызға аз. Соған қарамастан Энергетика министрлігі биылғы болжамын өзгерткен жоқ. Жыл соңына дейін 96 миллион тонна мұнай өндіру жоспарланған.
Қазақстан мұнайын "Достық" құбыры арқылы Германияға тасымалдау мамырда тоқтатылған еді. Маусымда Ерлан Ақкенженов Ресей тарапы мұнай айдаудың техникалық мүмкіндігін әлі растамағанын мәлімдеген.
Сол кезде алдағы алты айға арналған жоспарда бұл бағыт бойынша мұнай тасымалдау көлемі нөл деп көрсетілген.
Бізді Google-дың негізгі дереккөздер тізіміне қосыңыз
Қосу